УИХ дахь МАН-ын бүлэг хуралдаж, ирэх оны төсвийг хоёр, гурав дөрөвдүгээр хэлэлцүүлэгт бэлдэх ажлын хэсгээс гаргасан зарим саналыг нэтгэж, эцсийн шийдвэрийг гаргасан байна.
Энэ үеэр сэтгүүлчид МАН-ын дарга Д.Тогтохсүрэнгээс “Эрдэнэт” үйлдвэрийн мөнгөөр хүүхдийнхээ сургалтын төлбөрийг төлүүлсэн гэх Х.Бадамсүрэнд хариуцлага тооцох асуудалд МАН-ын бүлгийн байр суурь ямар байгааг сонирхсон юм. Тэрээр хариулахдаа "Хариуцлага ижил тэгш байх ёстой. Төсвийн хуулийг зөрчсөн бүгд л ижил, тэгш хариуцлага хүлээх ёстой. Эрдэнэт үйлдвэртэй холбоотой асуудал нийгмийн сүлжээгээр гарсан байна лээ. Манай бүлэг хариуцлага тооцох ёстой гэж үзэж байгаа. Засгийн газар ойрын үед хариуцлага тооцох байх" гэсэн юм.
