Өчиргдөр буюу аравдугаар сарын 20-ны өдрийн 19:30 цагийн орчимд Төв аймгийн Өндөрширээт сумын 2-р баг “Бүс Хайрхан” гэх газар /Улаанбаатар хотоос Өвөрхангай чиглэлийн 188 кт/-т асфальтан замд “Toyota Prius-20” маркийн автомашин “Kia Granbird” том оврын автобустай мөргөлдөж, зорчигч 23 настай, эмэгтэй Н-н амь нас хохирсон зам тээврийн ноцтой осол гарсан байна.
Өчигдөр үүссэн цаг агаарын үзэгдлийн улмаас баруун аймгуудын авто замын чиглэлд халтиргаа гулгаа үүссэн тул жолоочдыг анхаарал болгоомжтой байж, тээврийн хэрэгслийнхээ хурдыг тохируулж хөдөлгөөнд оролцохыг Тээврийн цагдаагийн албанаас анхааруулж байна.
