Нэг сарын өмнө улсын комисс хүлээж авсан явган хүний замыг хуулаад хаячихлаа гэсэн зураг бичлэг цахим орчинд цацагдаж, иргэдийн бухимдлыг төрүүлж байсан.
Тэгвэл уг асуудлаар Хотын дарга Х.Нямбаатар өөрийн цахим хуудсаараа дамжуулан мэдэгдэл хийж, Б.Чойжилсүрэн сайдыг сүйтгэсэн ногоон байгууламж, нийтийн эзэмшлийн зам талбайг засварлахыг шаарджээ. Тэрбээр, "Дүүрэг, орон нутаг, нийслэлийн төсвөөр хийгдсэн ажлын араас Эрчим хүчний яам дулааны шугам солино, шинэчилнэ, өргөтгөнө гээд хуулаад сэндийчээд хаячихдаг. Нөхөн сэргээж ажлаа гүйцэд хийж хүлээлгэн өгөлгүй хаячхаад алга болно. Нийтлэг дүр зураг. Сарын өмнө комисс хүлээн авсан явган зам хуулаад хаячихлаа Нямбаатараа, гээд бүтэн зунжин таны өмнөөс би зодууллаа, Чойжоо сайд аа. Нийслэл барьж байгуулна, танай яам араас нь сэндийчэж хаячхаад алга болно. Харин юм л бол хойд хар овоохой гэгчээр нөгөө л Нямбаатар буруутан нь. Төсвийн хөрөнгөөр хувийн хотхон руугаа дулаан татдаг, өргөтгөдөг Чойжоо сайд аа, та энэ хядсан ногоон байгууламж, сүйтгэсэн нийтийн эзэмшил, явган замаа хэзээ нөхөн сэргээх вэ" гэжээ.
Дүүрэг орон нутаг, нийслэлийн төсвөөр хийгдсэн ажлын араас Эрчим хүчний яам дулааны шугам солино, шинэчилнэ, өргөтгөнө гээд хуулаад сэндийчээд хаячдаг. Нөхөн сэргээж ажлаа гүйцэд хийж хүлээлгэн өгөлгүй хаячаад алга болно. Нийтлэг дүр зураг.
— Х.Нямбаатар (@KhNyambaatar) September 15, 2025
Сарын өмнө комисс хүлээн авсан явган… pic.twitter.com/ndJb3OYIEk
