Буганд сүлбүүлж, нас барсан байж болзошгүй хэрэг өнгөрсөн оны сүүлчээр гарчээ.
Тодруулбал, Өмнөговь аймгийн Булган суманд 48 настай иргэн рүү буга дайрч, улмаар эврээрээ сүлбэж, 700-800 метр чирч амь насыг нь хөнөөсөн гэх дуудлага мэдээлэл цагдаагийн байгууллагад бүртгэгджээ. Энэ дагуу мөрдөн шалгах ажиллагааг явуулж байгаа бөгөөд тухайн амь насаа алдсан иргэнийг бусдын гарт амиа алдсан уу, бугын эвэрт сүлбүүлж амиа алдсан уу гэдгийг нарийн тогтоох ажиллагаа хийгдэж байгаа аж. Одоогоор шүүх эмнэлгийн дүгнэлт гараагүй,, мөрдөн шалгах ажиллагаа үргэлжилж байгаа юм байна.
Ямартай ч буга зэрэг зэрлэг амьтад өвөлжилт хүндэрч байгаа энэ үед өвс тэжээл хайх зэргээр суурьшлын бүсэд олноороо орж ирэх болсон тул иргэдийг анхаарал болгоомжтой байхыг сэрэмжлүүлж, энэхүү мэдээллийг нийтэллээ.
