НИТХ-ын төлөөлөгч Б.Эрдэнэсүхийг гэр бүлийн хамаарал бүхий харилцаатай хүнийг зодсон, харгис хэрцгий харьцсан, догшин авирласан, тарчлаасан бөгөөд хүүхдийн эсрэг үйлдсэн гэмт хэрэгт холбогдуулан эрүүгийн хэрэг үүсгэж яллагдагчаар татан, мөрдөн шалгах ажиллагаа явуулж байсан билээ.
Тэгвэл Б.Эрдэнэсүхэд холбогдох хэргийг цагдаагийн байгууллагаас шалгаж дуусаад, хэргийг шүүхэд шилжүүлэх саналтайгаар прокурорт хүргүүлсэн байна
. Прокуророос мөрдөгчийн мардан шалгах ажиллагааг хангалттай гэж үзвэл түүнд яллах дүгнэлт үйлдэж, хэргийг шүүхэд шилжүүлэх юм. Өөрөөр хэлбэл НИТХ-ын төлөөлөгч Б.Эрдэнэсүхэд холбогдох хэрэг өдгөө прокурорт хянагдаж байгаа аж.
