Долоо хоног бүрийн Бямба гарагт Монгол Улсад суугаа ОХУ-ын элчин сайдын яамны гадна манай зарим иргэд тайван жагсаал хийж, Оросын Украинд хийж байгаа цэрэг, дайны үйл ажиллагааг эсэргүүцэх болсон.
Тэгвэл тэд өнгөрсөн Бямба гараг /2022.04.23/-т Оросын элчин сайдын яамны гадна жагсаж, үзэл бодлоо илэрхийлэхдээ, тус яамны гадна “угаалгын машин, телевиз, суултуурын таг” зэрэг эд зүйлстэй жагсаж, тус зүйлүүдээ ОХУ-ын элчин сайдын яамны гадна орхиод явжээ.
Учир нь Украинд явагдаж байгаа цэрэг, дайны үйл ажиллагаанд оролцож байгаа орос цэргүүд айлуудаас угаалгын машин, телевиз зэрэг зүйлийг хулгайлж ОХУ руу илгээсэн гэх мэдээлэл олон улсын зарим хэвлэлд гарсан.
Иймд манай иргэдийн жагсаалдаа ашигласан эд зүйлс нь үүнийг илтгэсэн байж болзошгүй байгаа юм.
Гэтэл тэднийг Оросын элчингийн гадна орхиод явсан эд зүйлстэй нь холбогдуулж Сүхбаатар дүүргийн цагдаагийн нэгдүгээр хэлтсээс дуудаж, мэдүүлэг авч эхэлжээ.
ОХУ-ын ЭСЯ-нд угаалгын машин хандивласан иргэдийг цагдаагийн байгууллагаас шалгаж эхэлжээ. #NoWar #AzizovGoHome #NoPutin pic.twitter.com/uT9Q9MHg6B
— #NoФашист (@NoFascistMN) April 27, 2022
Энэ талаар эх сурвалжаас тодруулахад, “ОХУ-ын элчин сайдын яамны гадна үлдээгээд явсан эд зүйлсийг тус улсад хандивлах гээд орхиод явсан гэсэн. Гэтэл угаалгын машин зэргийг хандивласан гээд шалгаж байж магадгүй байна.
Учир нь Сүхбаатар дүүргийн цагдаагийн нэгдүгээр хэлтэс жагсаалд оролцсон хүмүүсийг гэрчээр дуудаад байцаалт аваад байгаа юм билээ. Оросын цэргүүд айлаас телевиз,угаалгын машин зэргийг аваад байна гэхээр нь хүнд хэцүү байгаа юм байна л гэж ойлгосон. Харин элчингийн гадна орхисон зүйлсийг цагдаа хурааж, аваад явсан юм шиг байна лээ” гэсэн мэдээллийг өглөө.
.jpg)
