Шинэ Зеланд улсын Мастертон хотын стадионд зохион байгуулагдсан “Golden Shear” Дэлхийн аваргын хонь хяргах, ноослох ангилах пресслэх тэмцээнд Монгол Улс анх удаа оролцлоо.
Тус тэмцээн энэ оны гуравдугаар сарын 4–7-ны өдрүүдэд зохион байгуулагдсан. Хяргалтын төрөлд 28 улсын 50 гаруй шилдэг тамирчид өрсөлдсөн энэхүү тэмцээнд Монголын баг анх удаа оролцож, багийн дүнгээр 11-р байр, мөн хонь хяргалтын “В” ангилалд 5-р байр эзэллээ.Тус тэмцээн ганцаарчилсан хонь хяргалт, ганцаарчилсан ноос ангилал, багийн хонь хяргалт, багийн ноос ангилал гэсэн төрлөөр тэмцээн зохион байгуулагдлаа.
