АНУ, Израил улсын хамтарсан Ираны эсрэг явуулж буй цэргийн ажиллагаа эрчимж, нөхцөл байдал хурцадмал байдалд ороод байна.
Тэгвэл энэ талаар Гадаад харилцааны сайд Б.Батцэцэг өөрийн Х хуудастаа, "Израил Улсад одоогийн байдлаар тус улсын иргэнтэй гэр бүл болсон, иргэншил авсан зэрэг 40 орчим монгол иргэн байгаа бол Иран Улсад оршин суугаа монгол иргэн байхгүй болно.
Тус бүс нутагт үүсээд байгаа нөхцөл байдалтай холбогдуулан Анкара дахь ЭСЯ-наас Израил дахь иргэдтэйгээ групп чат үүсгэн зөвлөгөө мэдээлэл өгч байна.
Газын зурваст 2023 оны 10 дугаар сараас эхлэн үүсээд байгаа нөхцөл байдалтай холбогдуулан эх орондоо буцах хүсэлт гаргасан 17 иргэнийг /87,5 сая төгрөг/, 2025 оны 6 дугаар сард иргэнийг / 88,113,600 сая төгрөг/ Иргэд туслах сангийн зардлаар Израил Улсаас татан авах ажлыг зохион байгуулсан бөгөөд одоогоор тус улсад оршин суугаа иргэдээс эх орондоо буцах хүсэлт гаргасан иргэд байхгүй.
Хэрэв иргэдээс хүсэлт гаргасан тохиолдолд өмнөх жишгийн дагуу Тель-Авиваас Таба боомтоор Египетийн хил нэвтрүүлэн, татан авах ажиллагааг зохион байгуулна. ДТГ-уудаас ирүүлсэн мэдээллээр Ойрх Дорнодын бүс нутагт манай улсын 281 орчим иргэн оршин сууж байна.
Үүнд:
- Израил-40,
- АНЭУ-80,
- Египет-45,
- Кувейт-38,
- Саудын Араб-23,
- Йордан-1,
- Оман-2,
- Бахрейн-33,
- Катар-19.
Тухайн бүс нутагт оршин сууж байгаа иргэддээ Анкара, Абу-Даби, Каир, Кувейт дэх ЭСЯ-аар дамжуулан шаардлагатай зөвлөгөө мэдээлэл, дэмжлэг туслалцаа үзүүлэн ажиллаж байна" гэжээ.
Израил Улсад одоогийн байдлаар тус улсын иргэнтэй гэр бүл болсон, иргэншил авсан зэрэг 40 орчим монгол иргэн байгаа бол Иран Улсад оршин суугаа монгол иргэн байхгүй болно.
— Battsetseg Batmunkh (@BattsetsegBatm2) February 28, 2026
Тус бүс нутагт үүсээд байгаа нөхцөл байдалтай холбогдуулан Анкара дахь ЭСЯ-наас Израил дахь иргэдтэйгээ…
