Тээврийн хэрэгсэл жолоодох эрхээ хасуулсан үедээ согтуугаар тээврийн хэрэгсэл жолоодсон найман гэмт хэрэг цагдаагийн байгууллагад өнгөрсөн хоногт /2026.02.26/ бүртгэгдэн, илрүүлжээ.
Албаныхны мэдээлснээр, дээрх зөрчлүүд нь замын хөдөлгөөний аюулгүй байдалд ноцтой эрсдэл учруулж болзошгүй үйлдэл бөгөөд холбогдох этгээдүүдэд эрүүгийн хариуцлага тооцохоор шалгалтын ажиллагаа үргэлжилж байна. Энэ гэмт хэрэгт Эрүүгийн хууль-ийн 27.10 дугаар зүйлд зааснаар тээврийн хэрэгсэл жолоодох эрхээ хасуулсан хүн согтуурсан, мансуурсан үедээ тээврийн хэрэгсэл жолоодсон, эсхүл согтуурсан, мансуурсан эсэхийг зохих журмын дагуу шалгуулахаас зайлсхийсэн бол:
-
тээврийн хэрэгсэл жолоодох эрхийг 1-3 жил хүртэл хугацаагаар хасах,
-
2700-14000 нэгжтэй тэнцэх хэмжээний төгрөгөөр торгох,
-
240-720 цагийн хугацаагаар нийтэд тустай ажил хийлгэх,
-
6 сараас 3 жил хүртэл хугацаагаар зорчих эрхийг хязгаарлах,
-
6 сараас 3 жил хүртэл хугацаагаар хорих ял шийтгэх зэрэг хариуцлага хүлээлгэхээр хуульчилсан байна.
Цагдаагийн байгууллагаас жолооч нарт хандан замын хөдөлгөөний дүрмээ чанд мөрдөж, согтууруулах ундаа хэрэглэсэн үедээ тээврийн хэрэгсэл жолоодохгүй байхыг анхаарууллаа.
.jpg)
