Энэ сарын 7-ны өдөр БНСУ-ын Сөүл хотын Зүүн дүүргийн шүүхийн 11-р Эрүүгийн хэргийн хэлтсийн шүүгч Со Бо Мин оршин суугчийн бүртгэлийн тухай хуулийг зөрчсөн, цагдаагийн алба хаагч тусгай үүрэг гүйцэтгэхэд саад учруулсан хэрэгт яллагдагчаар татагдсан монгол иргэн А-д найман сарын хорих ял оноосон байна.
Хэргийг тодруулбал, Сөүлийн Гандонгу дүүрэгт "хүмүүс согтуурч чимээ шуугиан гаргаад байна" гэсэн дуудлага бүртгэгджээ. Уг дуудлагын дагуу цагдаа нар очиж, зөрчил гаргасан гэх иргэнээс биеийн байцаалт хүсэхэд монгол иргэн А өөр хүний үнэмлэх үзүүлсэн байна. Түүнчлэн түүнийг оршин суугчийн бүртгэлийн тухай хуулийг зөрчсөн хэргээр баривчлах гэж оролдох үед цагдаа нар руу зэвсэг чиглүүлж, "гар" гэж хашгирсан хэргээр ийнхүү буруутгасан аж.
Харин эл хэргийн Ерөнхий шүүгч Со Бо Мин ялын тогтоол гаргахдаа "Шүүгдэгч өөр хүний оршин суугчийн бүртгэлийн картын зургийн файлыг хууль бусаар ашигласан бөгөөд баривчлах үеэр цагдаагийн албан хаагчийг хууль ёсны үүргээ гүйцэтгэхэд нь саад учруулж, хүйтэн зэвсэгээр сүрдүүлсэн. Шүүгдэгч мөрдөн байцаалтын явцад буруугаа хүлээн зөвшөөрсөн бөгөөд өмнө нь дотоодын гэмт хэргийн бүртгэлгүй байсан зэргийг харгалзаж найман сарын хорих ял оноолоо" гэжээ.
