Хөвсгөл аймгийн Тариалан сумын тавдугаар баг, “Сайхан мод” гэх газраас энэ оны есдүгээр сарын 17-ны өдөр 2 настай хүүхэд алга болж, улмаар эрэн хайх ажиллагааг үргэлжлүүлж байсан билээ.
Тэгвэл сураггүй алга болсон хүүгийн цогцсыг олсон байна. Тодруулбал хүүгийн цогцсыг сураггүй алга болсон газраас 4 орчим км-ын зайнаас олсон гэх мэдээлэл гараад байгаа. Энэ талаар цагдаагийн байгууллагаас тодруулахад "Сураггүй алга болсон хоёр настай хүүгийн цогцсыг бүрэн бүтэн байдалтай олсон. Цогцос төөрсөн газраас 3-4 км зайнаас олдсон. Хэргийн газрын үзлэг, мөрдөн шалгах ажиллагаа үргэлжилж байна" гэлээ.
