Монгол Улс парламентын засаглалтай орон. Энэ ч утгаараа шийдвэр гаргах дээд байгууллага буюу парламентад ажиллаж буй ард түмнийг төлөөлөн сонгогдсон, хууль боловсруулж, батлах эрх бүхий УИХ-ын гишүүд ёс зүйн өндөр хариуцлага хүлээж, УИХ-ын гишүүний ёс зүйн дүрмийг даган мөрдөж, алдаа гаргасан тохиолдолд хариуцлага хүлээлгэдэг байхаар заасан.
Гэтэл УИХ-ын гишүүн М.Нарантуяа-Нара удаа дараа ёс зүйн алдаа гаргасаар байна. Тэрбээр “нохой”, “эргүү малнууд” гэх зэргээр иргэдийг доромжилсон утга бүхий пост, комментүүдийг олон нийтийн цахим сүлжээнээ бичжээ. Тодруулбал, “Хуцсан нохой бүр лүү бүү чулуу шид гэж хүмүүс хэллээ. Нохой хуцаж л байдаг хойно доо”, “Энэ эргүү малнууд дотор өөрсдийнх нь сайн сайхны төлөө тэгш хүртээмжтэй хуваарилагдах ёстой стратегийн ордыг нь итгэж сонгосон хүмүүс нь завшсан тухай нэхэх мэдлэгтэй мал байхгүй байгаа биз” гэжээ.
Гэтэл УИХ-ын гишүүн хүн "Монгол Улсын Их хурлын гишүүний ёс зүйн дүрэм"-ийг баримтлах ёстой гэж заасан. Уг дүрмийн 2.1.5-д УИХ-ын гишүүн нь биеэ авч явах, шударга байдлаараа үлгэр дуурайлал үзүүлэх ёстой, 3.1-д Гишүүн ард түмний элчийн хувьд нийт иргэн, улсын эрх ашгийг эрхэмлэн, төрт ёс, түүх соёлынхоо уламжлалаа дээдлэн ажиллана ёстой, 3.2-д Бусдын нэр төр, алдар хүнд, эрх, хууль ёсны ашиг сонирхлыг эрхэмлэн, хүндэтгэлтэй хандах, бусдыг гэмт хэрэгт холбогдуулан гүтгэх, доромжлохыг цээрлэнэ гэж тус тус заасан байна.
Улмаар энэ дүрмийг зөрчвөл:
- сануулга өгөх
- уучлал гуйхыг үүрэг болгох
- албан тушаалын цалингийн хэмжээг 6 сар хүртэл хугацаагаар 20 хүртэл хувиар бууруулахаах заажээ.
Гэтэл өнөөг хүртэл удаа дараа олон нийтийн сүлжээнд ёс зүйн алдаа гаргасан М.Нарантуяа-Нара гишүүнд хариуцлага ногдуулсангүй.
