ОХУ, Украины асуудал хурцадмал байгаа энэ цагт Монгол Оросын цэргийн хамтран хийдэг уламжлалт сургуулилтыг Ховд аймгийн нутагт хийх нь буруу гэж зарим иргэд эсэргүүцэж байгаа.
Харин тус цэргийн хээрийн сургуулилтад оролцохоор явж байж болзошгүй ОХУ-ын тугтай цэргийн техник хэрэгсэл нийслэл болон Өвөрхангай аймгийн нутгаар өчигдөр /2022.07.28/ явж өнгөрсөн байдаг. Тэгвэл ОХУ-ын тугтай явах цэргийн техникийн цувааны талаар манай улсаас БНХАУ-д суух элчин сайд асан Ц.Сүхбаатар, “Төрийн тэргүүн, Ерөнхий сайдайлчлах үеэр гадны төрийн далбааг гудамж болон автомашин дээр өлгөдөг. Элчин сайдын яам болон элчин сайдын автомашин дээр зөвшөөрдөг. Харийн орны цэргийн машин төрийн далбаагаа мандуулаад бүрэн эрхт улсын маань нутгаар хөндлөн гулд яваа нь энэ бол доромжлол! Яав ч тэвчиж үл болно” хэмээн байр сууриа илэрхийлжээ.
Төрийн тэргүүн, ЕС айлчлах үеэр гадны төрийн далбааг гудамж болон машин дээр өлгөдөг. ЭСЯ болон элчин сайдын машин дээр зөвшөөрдөг. Харийн орны цэргийн машин төрийн далбаагаа мандуулаад бүрэн эрхт улсын маань нутгаар хөндлөн гулд - энэ бол доромжлол! Яав ч тэвчиж үл болно!!!
— Tsedenjav Sukhbaatar (@TsedenjavS) July 29, 2022
