Хан-Уул дүүрэгт Биогийн гүүрний зүүн талд Туул голд бага насны хүүхэд осолдсон тухай дуудлагыг өчигдөр /2022.07.25/ 11:00 цагт Нийслэлийн Аврах ангийн алба хаагчид хүлээн авчээ.
Тус дуудлагын дагуу очиход Баянгол дүүргийн харьяат Н, Х нар Туул голын эрэг дээр сууж байхад нь тэдэн рүү нохой дайрсны улмаас тэд гол руу унасан байсан тул эрэн хайх ажиллагааг зохион байгуулсан байна. Иргэн Н анх осолдсон газраас 40 метрийн зайд Биокомбинатын гүүрний тулгуур баганы суурь шороон дээр гарч эсэн мэнд байсныг олжээ. Харин 4 настай Х анх осолдсон газраас баруун зүгт хоёр км зайтай газар усны мандал дээр хөвж байсныг олж цогцсыг гарган тус дүүргийн Цагдаагийн II хэлтэст шилжүүлэн өгсөн байна.
