ШУУРХАЙ: Талийгаач нь багийн холимог буухиа уралдаанд оролцож байгаад барианд орохын өмнөхөн осолджээ

Архангай аймгийн Өгий нуурт өчигдөр /2022.07.07/ эхэлсэн "Ард Триатлон-2022" улсын аварга шалгаруулах тэмцээнд оролцож байсан 42 настай, эрэгтэй тэмцээний үеэр усанд осолдож амь насаа алдсан харамсалтай хэрэг гарч, тэмцээнийг цуцалсан талаар бид өмнө нь мэдээлсэн билээ.

Тэгвэл талийгаач нь багийн холимог буухиа уралдаанд оролцож байхдаа барианд орохын өмнөхөн осолдсон талаар эх сурвалж мэдээлэв. Тэрээр өмнө нь 2018, 2019 онуудад Триатлоны УАШТ-нд оролцож байсан бөгөөд холбооны идэвхтэй гишүүн, сонирхогч байсан аж. Уг хэргийг өдгөө цагдаагийн байгууллага шалгаж байгаа юм байна.

ШУУРХАЙ: Өгий нууранд "Триатлон-2022" тэмцээнд оролцож байсан тамирчин нас барж, арга хэмжээг цуцаллаа

"Ард Триатлон-2022" улсын аварга шалгаруулах тэмцээнд оролцож байсан тамирчин усанд осолдож, нас барсан харамсалтай хэрэг өчигдөр /2022.07.07/ гарчээ.

Тодруулбал, Архангай аймгийн Өгий нуурт өчигдөр /2022.07.07/ эхэлсэн тус тэмцээнд оролцож байсан 42 настай, эрэгтэй тэмцээний үеэр усанд осолдож амь насаа алдсан байна. Тиймээс тэмцээнийг цуцалсан талаар эх сурвалж мэдээллээ.

Ташрамд өгүүлэхэд, КОВИД-19-ийн улмаас 2 жил завсарлаад байсан триатлоны Улсын аварга шалгаруулах тэмцээнийг Монголын Триатлоны Холбоо зохион байгуулж байсан бөгөөд Ард санхүүгийн нэгдэл ивээн тэтгэж, МҮОХ, БТСУХ хамтрагчаар оролцож байсан аж. Монголын Триатлоны Холбоо нь 2004 онд үүсгэн байгуулагдаж, Хууль Зүй, Дотоод Хэргийн Яамнаас Улсын бүртгэлийн гэрчилгээ авснаар Монгол Улсын хэмжээнд үйл ажиллагаа явуулах эрхтэй болжээ.

Өгий нуур. Триатлон 2022. pic.twitter.com/HvXgkqfACF
— Solongo.B (@solongoo_ni) July 7, 2022