БНСУ-д ажиллаж байсан Монгол Улсын иргэн тус улсын иргэдэд зодуулж нас барсан, түүний цогцсыг олон хоногийн дараа гэрээс нь олсон гэх мэдээлэл цахим сүлжээнд цацагдаад байгаа.
Энэ хэрэг явдалтай холбогдуулж, Гадаад харилцааны яамны эх сурвалж ikon.mn сайтад мэдээлэл өгчээ. Мэдээлэлд, "энэ хэрэг өнгөрсөн онд БНСУ-ын Умард Чүнчон мужид гарсан. БНСУ-ын хууль хяналтын байгууллага хэргийг шалгаж байгаа. Солонгос иргэдэд зодуулж нас барсан эсэхийг шалгах ажиллагаа үргэлжилж байна. Гадаад харилцааны яам, Сөүл хот дахь Элчин сайдын яам энэ асуудалд анхаарч ажиллаж байгаа” гэжээ.
