Нийслэлийн авто замын “Түгжрэлийг бууруулах ажлын хэсэг”-ийн шийдвэрээр “102 Police” аппликейшнээр зөрчил мэдээлсэн иргэнд тухайн зөрчилд ногдуулсан торгуулийн 10-20 хувийн урамшуулал олгох журмыг баталлаа. Тус журам ирэх сарын нэгнээс хэрэгжиж эхлэх юм.
Нийслэлийн гэмт хэргээс урьдчилан сэргийлэх салбар зөвлөл, Замын хөдөлгөөний удирдлагын төв, Тээврийн цагдаагийн алба хамтран өнгөрсөн есдүгээр сард иргэд зөрчлийн мэдээллийг илгээж, хяналт тавих боломжтой “102 Police” аппликэйшныг хэрэглээнд нэвтрүүлсэн байдаг. Тус аппликэйшнээр дамжуулан иргэд, явган хүний зам дээр болон автобусны зогсоол дээр, удаан зогсож болохгүй гэсэн тэмдэглэгээтэй газар тээврийн хэрэгслээ байршуулсан зөрчлийг ТЦА-нд мэдээлэх боломжтой.
