Өнөөдөр буюу аравдугаар сарын 16-ны 06:00 цагийн байдлаар Чингэлтэй дүүргийн хэмжээнд зам талбайн цэвэрлэгээ үйлчилгээний хоёр компанийн 30 ажилтан 11 техник хэрэгсэлтэйгээр ажиллаж байна.
Мөн зуслангийн бүсийн авто замд 20 тонн давс, 15 тонн бодис, гэр хорооллын авто замд 35 тонн давс, төв зам дагуу 35 тонн давс цацжээ. Түүнчлэн, Хан-Уул дүүргийн хэмжээнд зам талбайн цэвэрлэгээ үйлчилгээний 14 байгууллагын 171 ажилтан 37 техник, 44 явган замын төхөөрөмжтэйгөөр ажиллаж байгаа аж. Улмаар халтиргаа гулгаа үүсэхээс сэргийлж, 99 тонн давс, 6 тонн бодис цацаад байгаа талаар Нийслэлийн замын хөгжлийн газраас мэдээллээ.
